ការប្រកួតកីឡាស៊ីហ្កេមលើកទី ៣២ ដែលកម្ពុជាធ្វើជាម្ចាស់ផ្ទះ និងកាន់តែខិតជិតចូលមកដល់នាពេលខាងមុខ នេះដោយនៅសល់ 105 ថ្ងៃទៀតតែប៉ុណ្ណោះ។
ក្នុងការរៀបចំនេះដែរ កម្ពុជាបានជ្រើសរើសយកសត្វជាការលំអរនៃការប្រកួតដោយសត្វទន្សាយ ក្នុងចំនោម នៃសត្វទន្សាយទាំងពីរមានសត្វទន្សាយ ឈ្មោលមួយ និងញីមួយ។ ថាតើពួកគេទាំងពីរមានឈ្មោះ និងអត្ថន័យ យ៉ាងណានោះមកអានទាំងអស់គ្នា៖
ម៉ាស្កុតសម្រាប់ព្រឹត្តិការណ៍កីឡាស៊ីហ្គេម ឆ្នាំ2023 នៅប្រទេសកម្ពុជា គឺរូបសត្វទន្សាយពីរដែលមានឈ្មោះ បុរី (ឈ្មោល) និង រំដួល (ញី) ដែលមានក្នុងក្បាច់គុនបុរាណខ្មែរ ល្បុក្កតោ។
ទន្សាយឈ្មោលឈ្មោះ បុរី តំណាងឲ្យសាមគ្គីភាព ហើយទន្សាយញីឈ្មោះ រំដួល ជាផ្កាតំណាងឲ្យប្រទេសកម្ពុជា។
ទន្សាយទាំងពីរដែលត្រូវបានជ្រើសរើសជាម៉ាស្កុតសម្រាប់កីឡាស៊ីហ្គេម ឆ្នាំ2023 នៅកម្ពុជា ជាតួអង្គគួរឲ្យស្រឡាញ់នៅក្នុងរឿងព្រេងនិទានបុរាណខ្មែរ ដែលបង្ហាញពីតម្លៃនៅក្នុងការអប់រំតាមរយៈព្រះពុទ្ធសាសនា ជុំវិញការបំផុសគំនិតយុត្តិធម៌ មិនលំអៀង ចំណេះដឹង និងការជួយសង្គម។
ការជ្រើសរើសសត្វទន្សាយក៏បញ្ជាក់ពីសមភាពយេនឌ័រក្នុងកីឡាផងដែរ៕