ពិតជាមិនគួរអោយជឿថាកីឡា អាល់បានី អាចធ្វើបានត្រឹមតែ 20 វិនាទី តែប៉ុណ្ណោះ ដែលធ្វើអោយអ្នកគាំទ្រ ស្រែកហ៊ោ អបអរយ៉ាងសប្បាយ នៅដើមតង់ទីមួយ
វេលាព្រឹកព្រលឹម ម៉ោង 2 រំលងអាធាត្រ ថ្ងៃទី 15 ឈាងចូលថ្ងៃទី 16 ជាជំនួបប្រកួត ដ៏ជក់ចិត្ត រវាងក្រុមការពារតំណែង ជើងឯក អ៊ីតាលី និង អាល់បានី គ្រាន់តែអាជ្ញា កណ្តាលផ្លុំកញ្ចែភ្លាម ក្រុមអាល់បានី បំបោងបាល់ទៅកាន់ទីអ៊ីតាលីតែចេញក្រៅ បង្កើតបានជាបាល់គប់ទួស ដោយក្រុមអ៊ីតាលី ការធ្វេសប្រហែលរបស់កីឡាអ៊ីតាលី ពាក់អាវលេខ 3 គឺកីឡាករ Federco Dimarco គប់បាល់ផ្លាត់ស្លៀត ធ្វើអោយកីឡាករ អាល់បានី ពាក់អាវលេខ 10 គឺកីឡាករ Bajrami ស៊ុតបញ្ចូលទី នៅ វិនាទី ទី 20 ដើមតង់ទី 1។ ការសប្បាយបានប្រហែលជា 10 នាទី ខាងអ៊ីតាលីតាមស្មើរមកវិញដោយកីឡាករពាក់អាវលេខ 23 កីឡាករ Bastoni ចាប់ពីនាទីនោះមក អ៊ីតាលី កាន់តែមានទឹកចិត្ត និងដាក់សំពាធបន្ថែមទៅលើក្រុម អាល់បាលី រហូតរកបានមួយគ្រាប់ទៀតនៅនាទី 15 ដោយកីឡាករ Barella ពាក់អាវលេខ 18។
ក្រោយការនាំមុខ 2-1 របស់អ៊ីតាលី ខាងក្រុមជម្រើសជាតិ អាល់បានីព្យាយាមសម្រុកតាមស្មើរតែលទ្ធផលបានរក្សាទុកបែបនេះរបស់ចប់តង់ 90 នាទី ដោយអ៊ីតាលី ទទួលបាន 3 ពិន្ទុ ឈរនៅលេខរៀងទី 2 ក្រោមអេស្ប៉ាញ ដោយយកឈ្នះក្រូអាត 3-0 កាលពីក្បាលព្រលប់ម៉ោង 8 ល្ងាច ថ្ងៃទី 15។
ចប់ការប្រកួតកីឡាករ អាល់បានី តែស៊ុតបញ្ចូលទី មួយគ្រាប់ វិនាទី ទី 20 បាននិយាយថា គាត់ពិតជាសប្បាយរីករាយខ្លាំងណាស់ ដែលគាត់អាចស៊ុតបញ្ចូលទី សម្រាប់ព្រិត្តិការណ៏ដ៏ធំ និងអស្ចារ្យ EURO 2024 វាហាក់ដូចសុបិន្តមួយ ហើយគាត់និងព្យាយាមធ្វើវាអោយកាន់តែល្អប្រសើរបន្ថែមទៀត សម្រាប់ប្រកួតក្រោយ ដែលត្រូវជួបជាមួយក្រុមខ្លាំង ក្រូអាត។
វីឌីអូ សង្ខេប៖