គ្រូបង្វឹកបណ្ដោះអាសន្ន Ralf Rangnick បាននិយាយថា Manchester United ទាំងមូលនៅពីក្រោយ Cristiano Ronaldo បន្ទាប់ពីកូនប្រុសរបស់គាត់បានស្លាប់។
Ronaldo បានបញ្ជាក់ក្នុងការបង្ហោះលើបណ្តាញសង្គមកាលពីថ្ងៃចន្ទថា កូនប្រុសរបស់គាត់បានទទួលមរណភាពហើយ គាត់និងប្រពន្ធគឺនាង Georgina Rodriguez ត្រូវបានគេរំពឹងថានឹងមានកូនភ្លោះ។ កូនស្រីដែលទើបនឹងកើតរបស់ពួកគេបានរួចជីវិត។ Ronaldo បានអវត្តមានក្នុងជំនួប Premier League របស់ Man United ជាមួយ Liverpool កាលពីថ្ងៃអង្គារ ហើយ Rangnick ក៍បានផ្ញើសារគាំទ្រដល់គ្រួសារប្រធានក្រុមព័រទុយហ្គាល់។
Rangnick បានប្រាប់ Sky Sports ថា នេះគឺជារឿងដ៏អាក្រក់បំផុតដែលអាចកើតឡើងខ្ញុំជាឪពុករបស់កូនប្រុសពីរនាក់ផងដែរ ដូច្នេះខ្ញុំដឹងច្បាស់ថាវាមានន័យយ៉ាងណា។ យើងទាំងអស់គ្នានៅពីក្រោយគាត់ យើងទាំងអស់គ្នាជាមួយគាត់។ យើងសូមជូនពរឱ្យគាត់និងក្រុមគ្រួសាររបស់គាត់រឹងមាំ គាត់បានបន្ថែមទៅក្រុមប្រព័ន្ធផ្សព្វផ្សាយផ្លូវការរបស់ក្លឹបថា វាបង្ហាញថាមានរឿងសំខាន់ក្នុងជីវិតជាងបាល់ទាត់ទៅទៀត។
ក្លឹបទាំងមូលនៅជាមួយគាត់ សម្រាប់ខ្ញុំ វាច្បាស់ណាស់ថាគាត់ត្រូវតែទៅកន្លែងដែលគាត់ត្រូវទៅឥឡូវនេះ ជាមួយគ្រួសាររបស់គាត់។ អ្នកគាំទ្ររបស់ United និង Liverpool បានមកជួបជុំគ្នា ហើយទះដៃអបអរពេលនាឡិកាបង្ហាញរយៈពេលប្រាំពីរនាទីក្នុងការបង្ហាញពីការគាំទ្រ Ronaldo៕
