Cristiano Ronaldo បាននិយាយពាក្យសំដីថា “ខ្ញុំមិនទាន់ចប់” អំឡុងពេលអបអរនៅ Old Trafford បន្ទាប់ពី Manchester United ឈ្នះ Brentford 3-0 កាលពីយប់ថ្ងៃចន្ទ។
អ្នកគាំទ្រជាច្រើនមានការស្រពិចស្រពិលជាមួយនឹងគំនិតដែលពួកគេបានឮតារាឆ្នើមសញ្ជាតិព័រទុយហ្គាល់និយាយពាក្យទាំងនេះក្នុងន័យច្បាស់អំពីអនាគតរបស់គាត់ ចំពេលមានរបាយការណ៍ថាគាត់អាចត្រលប់ទៅ Real Madrid វិញនៅរដូវក្តៅ នេះបើយោងតាមការចុះផ្សាយរបស់ The Mirror ។ Ronaldo អាចនឹងចង់ចាកចេញដោយសារ Man Utd បរាជ័យក្នុងការប្រកួត Champions League ឬគាត់អាចនឹងត្រូវបានគេបើកទ្វារព្រោះ Erik ten Hag សម្រេចចិត្តបញ្ជូនគាត់ចេញ
អតីតប្រធានក្រុមបិសាចក្រហមលោក Roy Keane ដែលបានតាមដានការប្រកួតសម្រាប់ Sky Sports បាននិយាយថាគាត់មិនមានអារម្មណ៍ថា Ronaldo បានត្រៀមខ្លួនជាស្រេចដើម្បីនិយាយលាទៅកាន់ Old Trafford ជាលើកទីពីរនោះទេ។ ចាប់តាំងពីពេលនោះមក Ronaldo បានច្រានចោលការអះអាងដែលថាគាត់បាននិយាយរអ៊ូថា “ខ្ញុំមិនទាន់ចប់ទេ” ទៅកាន់កាមេរ៉ាក្រោយការប្រកួតដោយបង្ហោះមតិយោបល់លើទំព័រអ្នកគាំទ្រតាមរយៈ Instagram។
កីឡាករ Ronaldo បានឆ្លើយតបនៅក្នុងបណ្តាញសង្គមថា៖ ខ្ញុំមិនបាននិយាយបែបនេះទេ នេះមានន័យថាយើងនឹងមានការរំពឹងទុកជាច្រើនរបស់ Ronaldo ក្នុងរយៈពេលប៉ុន្មានសប្តាហ៍ខាងមុខនេះ។
ស្តាប់វីឌីអូខាងក្រោមទាំងអស់គ្នា ថាគាត់និយាយដូចអ្វី ដែលអ្នកគាំទ្រលឺដែរទេ?