អតីតខ្សែប្រយុទ្ធ របស់បិសាចក្រហមគឺកីឡាករ Wayne Rooney ពេលនេះបានស្វែងរកទ្រនំថ្មីរបស់ខ្លួននៅ លើទឹកដី សហរដ្ឋអាមេរិក ដោយត្រូវមកដឹកនាំក្លឹប D.C. United។
បន្ទាប់ពីការចាកចេញរបស់គាត់ក្នុងនាមជាអ្នកចាត់ការទូទៅរបស់ Derby County គឺ Wayne Rooney ជិត ក្លាយជាតំណាងក្លឹបថ្មីនៅសហរដ្ឋអាមេរិក។ យោងតាមរបាយការណ៍ជាច្រើន រួមទាំងពី The Athletic កីឡាករ វ័យ 36 ឆ្នាំរូបនេះនឹងកាន់កាប់ DC United នៅ MLS ។ Rooney ត្រូវបានគេមើលឃើញថាបានមក ដល់ អាកាសយានដ្ឋានអន្តរជាតិ Dulles កាលពីយប់ថ្ងៃអាទិត្យបន្ទាប់ពីបានឈានដល់កិច្ចព្រមព្រៀងជាមួយក្លឹប៕
