«The Packman» Manny Pacquiao អតីតតារាប្រដាល់ហ្វីលីពីនបានចេញមកសរសើរ Mark Maxayo អ្នកប្រដាល់វ័យក្មេងដែលបានឈ្នះខ្សែក្រវាត់ទម្ងន់ស្រាលពិភពលោក WBC ពី Gary Russell Jr. អ្នកប្រដាល់អាមេរិក។
លទ្ធផលនៃការប្រកួតនេះ អ្នកគាំទ្រកីឡាប្រដាល់បានដឹងរួចមកហើយថា កីឡាករមកពី Kupan វ័យ 26 ឆ្នាំរូបនេះអាចយកឈ្នះកីឡាករជើងឯកអាមេរិកបាន បន្ទាប់ពីទទួលបានសម្លេងគាំទ្រចំនួន 12 សំឡេង ដោយភាគច្រើនគឺ 114-114, 115-113 និង 115-113។ អតីតអ្នកប្រដាល់វ័យ 43 ឆ្នាំរូបនេះបានផ្ញើសារទៅកាន់កីឡាករវ័យក្មេងដែលបានក្លាយជាជើងឯកពិភពលោកទី 45 នៅប្រទេសហ្វីលីពីនថា “សូមអបអរសាទរចំពោះ Mark Maxayo ដែលបានឈ្នះជើងឯកពិភពលោកជាលើកដំបូងរបស់គាត់។
សូមអរគុណចំពោះការនាំយកកិត្តិនាមមកកាន់ប្រទេសរបស់យើងក្នុងនាមជាជើងឯកពិភពលោកចុងក្រោយបង្អស់របស់ហ្វីលីពីន។ សូមស្វាគមន៍មកកាន់ក្លឹបរបស់យើង។ យោងតាមរបាយការណ៍ ហ្វីលីពីនបច្ចុប្បន្នមាន ជើងឯកប្រដាល់ពិភពលោកចំនួន 5 រូប រួមមាន Mark Cuarto, Jervin Ankayas, John Reel, Casimero និង Nonito Donaireជើងឯកពីមុន។
សម្រាប់ Mark Maxayo គាត់បានចាប់ផ្ដើមប្រដាល់នៅពេលគាត់មានអាយុទើបតែ 8 ឆ្នាំប៉ុណ្ណោះ។ លោកបានប្រកួតប្រដាល់ស្ម័គ្រចិត្តជាង 200ដង ឈ្នះជើងឯក 4សម័យកាលរបស់សមាគមប្រដាល់ស្ម័គ្រចិត្តហ្វីលីពីន (ABAP) និងឈ្នះពានអ្នកប្រដាល់ល្អបំផុត 2ដង។ គាត់បានងាកមកចាប់អារម្មណ៍ប្រដាល់អាជីពនៅឆ្នាំ 2013 មុនពេលចុះកិច្ចសន្យាក្រោមការផ្សព្វផ្សាយរបស់ MP (ក្រោមការឧបត្ថម្ភពី Manny Pacquiao) នៅដើមឆ្នាំ 2020 ដែលរហូតមកដល់បច្ចុប្បន្នមានកំណត់ត្រាឈ្នះ 24 ដង (ផ្តួលដៃគូឱ្យសន្លប់ 16 ដង)៕
