តារាឆ្នើមរបស់ក្រុមចចកព្រៃត្រៀមចាកចេញឆាប់ៗ

អ្នកចាត់ការក្លឹប Leicester City លោក Brendan Rodgers បានច្រានចោលការផ្លាស់ប្តូរមួយសម្រាប់ខ្សែ បម្រើ កណ្តាល Yuri Tielemans ដែលត្រូវបានលេចលឺថានឹងការចាកចេញពីក្របខ័ណ្ឌ Premier League នៅរដូវក្តៅនេះ។ កីឡាករអន្តរជាតិបែលហ្ស៊ិករូបនេះបានបដិសេធមិនបន្តកុងត្រាថ្មីជាមួយ ក្រុមចចក ដោយកិច្ចសន្យាបច្ចុប្បន្នរបស់គាត់​នឹង​ផុត​កំណត់នៅខែមិថុនា ក្នុងនោះក៍មានក្លឹបដូចជា Liverpool, Manchester United និង Arsenal ត្រូវបានគេរាយ​ការណ៍ថាចាប់អារម្មណ៍។ ការចាប់អារម្មណ៍នេះដែរលោក Brendan Rodgers ចេញមកសារភាពថាពួកគេ​នឹងមិនអាច​រារាំងតារា​សំខាន់​បាន​ទេ​ ជាមួយនឹងកិច្ចសន្យាដែលជិតផុតកំណត់ ប៉ុន្តែការពិតគឺថា នៅពេលដែលកីឡាករម្នាក់បង្ហាញ​ទម្រង់​លេង​ល្អនៅ Leicester គាត់ប្រហែលជាចង់បន្តទៅលេងឱ្យក្លឹបផ្សេង ដូច្នេះយើងអាចត្រៀមខ្លួន​សម្រាប់រឿងនោះ​តែប៉ុណ្ណោះ លោកបាននិយាយបន្ថែម។