អ្នកចាត់ការក្លឹប Wolves លោក Bruno Lage ចង់ប្រាប់ Newcastle ថាទ្រព្យសម្បត្តិតែមួយមុខមិនគ្រប់គ្រាន់ដើម្បីបំបែកក្រុមកំពូលរបស់អឺរ៉ុបនោះទេ។
ក្រុមសេះបង្កង់ គឺជាក្លឹបបាល់ទាត់ដែលមានជាងគេបំផុតនៅលើពិភពលោកបន្ទាប់ពីការកាន់កាប់ដោយប្រទេសអារ៉ាប៊ីសាអូឌីតកាលពីឆ្នាំមុន។ កីឡាករសញ្ជាតិព័រទុយហ្គាល់រូបនេះបាននិយាយមុនការប្រកួតយប់ថ្ងៃសុក្រជាមួយនឹងក្រុម Newcastle ថា “មានក្រុមប្រហែល 10 ដែលគ្រប់គ្រងការប្រកួតក្នុងរយៈពេល 10 ឆ្នាំចុងក្រោយនេះ” ។ ពួកគេមាន កីឡដ្ឋានល្អ សាលារៀនល្អ ប្រហែលជាទីក្រុងល្អសម្រាប់រស់នៅ មានការវិនិយោគធំ ហើយពួកគេកំពុងប្រយុទ្ធដើម្បីដណ្តើមពានរង្វាន់។ វាពិបាកសម្រាប់ក្រុមដូចជា Newcastle ឬក្រុមផ្សេងទៀតក្នុងការស្វែងរកកីឡាករត្រឹមត្រូវ ឬអ្នកគ្រប់គ្រងត្រឹមត្រូវដើម្បីបញ្ចុះបញ្ចូលពួកគេ និងផ្លាស់ប្តូរអ្វីៗគ្រប់យ៉ាងក្នុងរយៈពេលត្រឹមតែមួយឆ្នាំ។ អាជីពរបស់កីឡាករគឺខ្លី ពួកគេលេង ១០ ឬ ១២ ឆ្នាំ ហើយកីឡាករល្អបំផុតនៅពេលនេះគឺក្នុងក្រុមទាំង ១០ នេះ។ អ្នកអាចមានលុយ ប៉ុន្តែវាពិបាកក្នុងការបញ្ចុះបញ្ចូលពួកគេឱ្យចាកចេញពីក្រុមនោះ ទីក្រុងនោះ ពីក្លឹបនោះដែលអាចត្រៀមខ្លួនប្រយុទ្ធសម្រាប់ការប្រកួតនៅអឺរ៉ុប ហើយមកចាប់ផ្តើមគម្រោងថ្មី៕
